அரசு வங்கியில் வேலைக்கு சேர வேண்டும் என விரும்புகிறவர்களுக்கு சூப்பரான அறிவிப்பு வெளியாகியுள்ளது. பொதுத்துறை வங்கியான ஸ்டேட் பாங்க் ஆஃப் இந்தியா வங்கியில் காலியாக உள்ள புரொபஷனரி அதிகாரி (SBI PO) பணியிடங்களை நிரப்புவதற்கான அறிவிப்பு வெளியாகி இன்று முதல் விண்ணப்பங்கள் பெறப்படுகிறது. இப்பணியிடங்களுக்கு விண்ணப்பிக்க தேவையான விவரங்களை பார்க்கலாம்.
பணியின் விவரங்கள்
புரொபஷனரி அதிகாரி (Probationary Officer)
இதில் எஸ்சி பிரிவில் – 87, எஸ்டி பிரிவில் – 57, ஒபிசி பிரிவில் – 158, பொருளாதாரத்தில் பின்தங்கியவர்கள் – 58, பொது பிரிவினர் – 240 என மொத்தம் 600 காலிப்பணியிடங்கள் நிரப்பப்படுகிறது.
வயது வரம்பு
எஸ்பிஐ வங்கி புரொபஷனரி அதிகாரி பதவிக்கு 01.04.2024 தேதியின்படி, விண்ணப்பதார்கள் 21 வயதிற்கு கீழ் இருக்கக்கூடாது. அதே போன்று அதிகபடியாக 30 வயதைக் கடந்திருக்கக்கூடாது. விண்ணப்பதார்கள் 01.04.2003 தேதிக்குன் பின்னரும், 02.04.1994 தேதிக்கு முன்னரும் பிறந்திருக்கக்கூடாது.
வயது வரம்பில் ஒபிசி பிரிவினருக்கு 3 வருடங்கள், எஸ்சி, எஸ்டிபிரிவினருக்கு 5 வருடங்கள் மற்றும் மாற்றுத்திறனாளிகளுக்கு 10 முதல் 15 வருடம் வரை தளர்வு உள்ளது.
கல்வித் தகுதி
எஸ்பிஐ வங்கி புரொபஷனரி அதிகாரி பதவிக்கு அங்கீகரிக்கப்பட்ட பல்கலைக்கழகத்தின் கீழ் எதேனும் ஒரு பாடப்பிரிவில் பட்டப்படிப்பு முடித்திருக்க வேண்டும். கல்வித் தகுதி 30.04.2025 தேதியின் வரை எடுத்துக்கொள்ளப்படும். இறுதி ஆண்டில் இருப்பவர்களும் விண்ணப்பிக்கலாம்.
சம்பள விவரம்
எஸ்பிஐ வங்கி புரொபஷனரி அதிகாரி பதவிக்கு தேர்வு செய்யப்படுபவர்கள் ஜூனியர் மேனேஜ்மென்ட் கிரேடு நிலை – 1 கீழ் பணியமர்த்தப்படுவர். தொடக்கமே அடிப்படை சம்பளமாக ரூ.48,480 வழங்கப்படும். ரூ.48,480 முதல் ரூ.85, 920 வரை சம்பள விகிதம் அமையும்.
தேர்வு செய்யப்படும் முறை
இப்பணியிடங்களுக்கு தேர்வு செய்யப்படும் முறை மூன்று கட்டங்களாக இருக்கும். முதல்நிலை தேர்வு, முதன்மை தேர்வு எனவும், மூன்றாம் கட்டம் உளவியல் தேர்வு, குழு கலந்துரையாடல், தனிப்பட்ட நேர்காணல் ஆகியவை அடங்கி இருக்கும்.
விண்ணப்பிக்கும் முறை
இப்பணியிடங்களுக்கு விண்ணப்பிக்க விரும்புகிறவர்கள் https://sbi.co.in/web/careers#lattest என்ற எஸ்பிஐ வங்கி இணையதளத்தில் ஆன்லைன் வழியாக விண்ணப்பிக்க வேண்டும். மேலும் கூடுதல் விவரங்களை ஆன்லைன் உள்ள அறிவிப்பின் வழியாக அறிந்துகொள்ளலாம்.
முக்கிய நாட்கள்
விண்ணப்பம் தொடங்கும் நாள் -27.12.2024
விண்ணப்பிக்க கடைசி நாள் -16.01.2025
முதல்நிலை தேர்வு -2025 மார்ச் 8 மற்றும் 15ஆம் தேதி
முதல்நிலை தேர்வு முடிவு -ஏப்ரல் 2025
முதன்மை தேர்வு -ஏப்ரல்/ மே 2025
முதன்மை தேர்வு முடிவு -மே/ஜூன் 2025
எஸ்பிஐ வங்கியில் காலியாகவுள்ள பிஓ பணியிடங்களுக்கு விண்ணப்பிக்க தகுதியானவர்கள் ஆன்லைன் வழியாக விண்ணப்பிக்க தொடக்கலாம்.
