சையத் முஸ்டாக் அலி டி20 தொடரில் 28 பந்தில் சதமடித்து குஜராத் வீரர் உர்வில் படேல் வரலாறு படைத்துள்ளார்.
2024 சையத் முஷ்டாக் அலி டிரோபியானது நவம்பர் 23 முதல் தொடங்கி டிசம்பர் 15 வரை நடைபெறுகிறது.
இந்நிலையில் இன்று நடைபெற்ற போட்டியில் திரிபுரா மற்றும் குஜராத் அணிகள் பலப்பரீட்சை நடத்தின. இதில் குஜராத் அணி வீரர் உர்வில் படேல் 28 பந்துகளில் சதமடித்து டி20 வரலாற்றில் அதிவேக சதமடித்த இந்திய வீரராக மாறி சாதனை படைத்துள்ளார்.
ஒரே வருடத்தில் 49 சதங்கள் விளாசல்! 1.10 கோடிக்கு விலைபோன 13 வயது வீரர்.. யார் இந்த வைபவ் சூர்யவன்ஷி?
அதிவேக சதமடித்த இந்திய வீரராக சாதனை..
மந்தீப் சிங் தலைமையிலான திரிபுரா அணியும், அக்சர் பட்டேல் தலைமையிலான குஜராத் அணியும் மோதிய போட்டியில், முதலில் பேட்டிங் செய்த திரிபுரா அணி 20 ஓவர் முடிவில் 8 விக்கெட் இழப்புக்கு 155 ரன்களை அடித்தது.
156 ரன்கள் என்ற இலக்குடன் களமிறங்கிய குஜராத் அணியில் தொடக்க வீரராக களமிறங்கிய விக்கெட் கீப்பர் பேட்டர் உர்வில் படேல் 28 பந்துகளில் சதமடித்து தனியாளாக போட்டியை முடித்துவைத்தார்.
ஐபிஎல் ஏலத்தில் எடுக்கப்படாத கோவமோ என்னவோ தெரியவில்லை, இறங்கியதிலிருந்தே சிக்சர், பவுண்டரிகளாக கிரவுண்ட்டின் நாலாபுறமும் சிதறடித்த உர்வில் பட்டேல் 35 பந்துகளில் 12 சிக்சர்கள் 7 பவுண்டரிகளுடன் 113 ரன்கள் குவித்து ஆட்டமிழக்காமல் இருந்தார்.
இதன்மூலம் டி20 கிரிக்கெட் வரலாற்றில் அதிவேகமாக சதமடித்த இந்திய வீரர் என்ற இமாலய சாதனையை படைத்துள்ளார்.
