Read Time:1 Minute, 16 Second
ஆண்டுதோறும் கார்த்திகை மாதம் நடைபெறும் திருக்கார்த்திகை தமிழ்நாட்டில் முக்கியமான பண்டிகையாக உள்ளது. இந்நாட்களில் மக்கள் தங்கள் வீடுகளில் தீபம் ஏற்றுவது மட்டுமல்லாது, சிவ் ஸ்தலங்களிலும் தீப ஆராதனை, வழிபாடு நடைபெறும். அப்படி ஆண்டுதோறும் திருவண்ணாமலையில் உள்ள மகாதீப மலையில் ஏற்றப்படும் மகாதீப தரிசனத்தை காண ஏராளமான மக்கள் பல மாவட்டங்களில் இருந்தும் வருகை தருகின்றனர்.
இந்த ஆண்டு மகாதீபத்திருவிழா இன்று (டிச.04) தொடங்கி 13ம் தேதி வரை 10 நாட்கள் கோலாகலமாக நடைபெறுகிறது. சமீபத்தில் திருவண்ணாமலை மகாதீப மலையில் ஏற்பட்ட கனமழை, நிலச்சரிவு காரணமாக தீபத்திருவிழா திட்டமிட்டபடி நடைபெறுமா என்ற கேள்வி இருந்த நிலையில், திருவிழா திட்டமிட்டபடி நடைபெறும் என அமைச்சர் சேகர்பாபு உறுதி அளித்தார்.
